Wednesday, 12 November 2008

KARSA Menang Tipis

Hasil rekapitulasi coblosan Gubernur (Pilgub) Jawa Timur seng anyar Karo KPUD (11/11/08) gak disongko dimenangno pasangan Soerkarwo – Saifullah Yusuf (Karsa). Bedo presentasine titik banget yoiku mok 0,40% neng dhuwure suorone pasangan Khofifah – Mujiono (Kaji).

Hasil iki ndadekno kaget mulane miturut itungan cepet (Quick Count) sakwise coblosan tanggal 4 November 2008 seng kepungkur, LSI menangno pasangan KAJI ambe roto-roto suoro 50%. Padahal itungane KPUD Jatim nyebutno lek KARSA oleh 7.729.944 suoro (50,20%) lan KAJI 7.669.721 suoro (49,80%).

Perpedaan seng tipis iki ndadekno rawan komflik. Suasanane perhitungan suoro coblosan lan penetapan hasil PILGUB JATIM neng hotel Mercure dadi tegang. Pasangan KAJI gak terimo lan kate ngadukan ke Mahkamah Konstitusi (MK) mergo alasane ono penggelembungan suoro.

Khofifah nuding ono intervasi pemerintah pusat. Indikasi iku seng paling nyolok, jare Khofifah, yoiku dikirimno Menteri Komunikasi dan Informatika Mohammad Nuh nang Surabaya kanggo ngurangi hasil Quick Count gawenan telu lembaga survei. Pas Kemis minggu wingi Nuh nggelar Konfrensi pers neng Hotel Sheraton Suroboyo, Nuh jalok masyarakat gak percoyo lan gak usah ngreken hasil perhitungan cepet.

No comments:

Post a Comment

Lihat profile Alim Mahdi sekarang
Kunjungi www.mastersop.com

Konsultan SOP dan Penggagas "GERAKAN PENGUSAHA SADAR SOP"